一鳴拉麵

营业中

休息中

突然間好想食拉麵，又唔想出尖沙咀排個幾鐘食一蘭，於是搵咗大埔呢間。一點半到要等位，不過只係等5分鐘而已。典型的日式拉麵店，鋪位細，座位比較局促。夜晚有火鍋同串燒，日頭就只得拉麵。好似一蘭拉麵咁，可以揀麵的軟硬，葱的多少，仲可以揀直麵同曲麵，可配叉燒和豬軟骨。拉麵無論邊款都係劃一價，可加20元或30元配套餐。曲麵的質地較彈，麵身較滑；直麵本身麵質硬d，可以揀d軟d的煮法。叉燒係煎過的，很厚身，真材實料，豬軟骨也煮得幾冧。我哋配咗餃子和炸雞，口味都偏淡，但內裡餡料多汁。四人消費468元，比一蘭抵食好多。