吃扒 (已結業)

吃扒旺角豉油街108地舖今晚朋友帶我黎咗旺角「吃扒」鋸扒，餐廳裝潢門面紫色好搶眼，裏面用懷舊風格同裝修設計，好有舊式扒房餐廳嘅感覺，餐廳仲播d懷舊歌曲，真係好有氣氛😂我地叫咗2個鐵板餐，餐加$20有湯有飲品 特飲+$17，餐湯有羅宋湯或者豬骨湯選擇，我地就簡咗羅宋湯，羅宋湯湯底濃郁酸甜，煮得入味，而且仲好足料特選肉眼扒 $178肉眼扒簡咗五成熟，配薯菜同蒜蓉汁用鐵板上，店員都好貼心，幫你落汁前會比紙巾你擋住以免彈到塊扒勁巨型，肉味香濃，厚身多汁，食落啖啖肉熱熔芝士紐西蘭牛柳 $198上枱嘅時侯，店員會係你面前即時熱熔芝士並慢慢倒上，都幾有儀式感，熱熔芝士係海量咁多，超級邪惡！芝士有小小鹹香味，配埋牛食都幾夾，牛柳好厚身仲要好大舊，牛柳一樣簡咗五成熟，切開時候肉質粉嫩多肉汁，燒到啱啱好唔會太韌👍🏻話梅凍檸樂話梅酸酸甜甜好開胃，加上汽水嘅甜味同氣泡，夠曬清爽，有d解油膩嘅感覺!黑牛茶餐廳懷舊特色飲品之一，估唔到呢度有得飲，可樂加埋香濃的朱古力雪糕，簡直係透心涼！