101 Binary (已結業)

好快就係情人節，作為父母都好難正日慶祝，所以通常我哋都會預早出去食一餐飯，上星期放工見到天后呢間餐廳推出咗情人節套餐，餐廳環境好有特色，而且坐得好寬敞，我同老公一於去試吓。先嚟海鮮湯，味道濃郁，而且入口好Creamy，前菜三文魚卷，配埋醬汁好清新，酸酸甜甜好開胃。主菜叫咗一個豬扒，同一個牛扒，份量十足。豬扒整得好腍，而且好有豬味再配埋甜甜酸酸嘅桃一齊食，非常惹味，我覺得嚟到呢度必點呢一個菜式，牛扒五成熟燒得剛剛好，而且真係好大份，配埋薯蓉同埋蔬菜，非常飽肚，最後當然唔少得我最愛嘅甜品，心太軟朱古力味香濃配埋雲呢拿雪糕，真係非常滿足。