老掌櫃東北菜館 (海之戀商場)

天氣開始轉涼心思思想食片皮鴨
經過行開荃灣海之戀
見到呢間老掌櫃東北菜館就有得食 於是就膽粗粗就去幫襯下
食飯時間都幾多人如果晏少少嚟都未必有位
下次來食最好就要book定位先
叫咗一隻片皮鴨 四個人分
配料份量非常多 平時最驚就係 一隻鴨但係俾得少少皮 最後變咗剩低勁多鴨冇嘢包
講返味道鴨肉唔嚡 塊皮勁香 夾埋配料同醬汁一齊食非常好食
不過個餅皮就略嫌厚咗少少
但以呢一個價錢嚟講都收貨啦
另外亦都叫咗一個炒飯份量非常之大
整體嚟講老掌櫃都係非常之抵食