岩盤牛扒 ミディアムレア ステーキ (博文街) (已結業)

lunch time係大角咀搵野食，見到呢間宜家好興既自選份量即煎牛扒餐廳，係門口附近已經聞到牛香味，係門口廚窗先落單，成件牛扒放喺廚窗，你要幾多切幾多，用重量計價錢好均真，切好份量就選醬汁，包括蔥油、洋蔥油同蒜油3款選擇，另外加$25可轉餐四選三項目，包括有白飯、味噌湯、沙律、氣水或烏龍茶，因為太肚餓關係，要左300g西冷蒜油再跟餐配白飯、沙律加烏龍茶，落單後有個機比你安坐慢慢等，一響就可以出去自取食物，牛扒以鐵板上，會先煎到3成熟左右，你自己可繼續用鐵板熱力再煎到自己啱心水既熟度，西冷好濃牛既油香，面頭鋪滿蒜片好香，肉質比想像中軟，無根易咬，以呢個價錢食到呢個質素真係抵曬