759車仔麵 (已結業)

今日好晏至食早餐，到午餐時間仲係覺得好飽， 唔想食咁多嘢，但係又唔知食乜嘢好？咁啱行過好運中心呢間餐廳， 佢嘅主打係車仔麵，但我今日又唔想食車仔麵，見有個常餐好似幾好喎，就不如試下常餐喇！個餐包括牛油方包、火腿奄列、沙爹牛肉米線/通粉，仲有咖啡或茶㖭。落咗柯打後好快有阿姐送食物嚟，唔使自己去攞，好方便，服務唔错。沙爹牛肉D牛肉唔靱，沙爹都幾香，但係D米線就煮得太淋喇。麵包質素唔錯，奄列雖然火腿唔多，但以35蚊一個餐嚟計，都算好抵啦，如果你有759卡，仲有95折㖭