影片
更多
2022-05-20
3924 浏览
位於億利工業中心嘅黑布小巷開業無耐，估唔到晚市人氣都好旺場。格局就有啲令我聯想起結業無耐嘅程班長，掛住台式味道嘅朋友可能可以喺度搵到另一番台式滋味。店舖採用自助方式落單，跟餐價錢一眼睇晒，幾方便。慢烤雞腿芝士蛋吐司 $53經輕微烘烤嘅吐司，配搭自家秘製醬汁、半熟流心蛋、烤嫩滑雞腿同雙重瀑布芝士。吐司帶少許烘底口感，個人就鍾意焦脆感再重啲。醬汁略帶酸甜，味道幾得意，中和咗流心蛋同瀑布芝士嘅油潤。雞腿肉厚實且容易撕咬，飽足感滿滿。對雞肉一般嘅人仲可以選擇香煎美國大草原穀飼豬扒，有機會我都想試吓雞肉以外嘅配搭。古早味手工滷肉飯 $48呢款無論係滷肉抑或飯嘅份量都比想像中多，份量值得一讚。滷肉幾有台灣風味，脂肪量較多。稍嫌滷肉汁同油香未夠豐富，食耐咗有少許乾身。花枝丸配淮鹽 $28/跟餐一碟五粒嘅花枝丸，表面灑有淮鹽。花枝丸外層炸至酥香，口感完全唔會過老，咬落彈牙富鮮香。配合微鹹嘅淮鹽，提香度昇華不少。芋頭椰汁三色圓 $46/凍以椰奶作基底嘅甜品混有少許芋泥顆粒感，入口清甜富椰香。三色圓分別有蕃薯圓、芋圓同紫薯圓，形狀偏四方，每粒都勁大粒，咬落軟韌不硬，作為飯後甜品一流。桂花雪梨羅漢果茶 $1
慢烤雞腿芝士蛋吐司 $53
經輕微烘烤嘅吐司，配搭自家秘製醬汁、半熟流心蛋、烤嫩滑雞腿同雙重瀑布芝士。吐司帶少許烘底口感，個人就鍾意焦脆感再重啲。
醬汁略帶酸甜，味道幾得意，中和咗流心蛋同瀑布芝士嘅油潤。雞腿肉厚實且容易撕咬，飽足感滿滿。對雞肉一般嘅人仲可以選擇香煎美國大草原穀飼豬扒，有機會我都想試吓雞肉以外嘅配搭。
古早味手工滷肉飯 $48
呢款無論係滷肉抑或飯嘅份量都比想像中多，份量值得一讚。滷肉幾有台灣風味，脂肪量較多。稍嫌滷肉汁同油香未夠豐富，食耐咗有少許乾身。
花枝丸配淮鹽 $28/跟餐
一碟五粒嘅花枝丸，表面灑有淮鹽。花枝丸外層炸至酥香，口感完全唔會過老，咬落彈牙富鮮香。配合微鹹嘅淮鹽，提香度昇華不少。
芋頭椰汁三色圓 $46/凍
以椰奶作基底嘅甜品混有少許芋泥顆粒感，入口清甜富椰香。
三色圓分別有蕃薯圓、芋圓同紫薯圓，形狀偏四方，每粒都勁大粒，咬落軟韌不硬，作為飯後甜品一流。
桂花雪梨羅漢果茶 $12/跟餐
養生茶跟餐後嘅價錢相對抵飲，呢款雲集咗桂花、雪梨同羅漢果，齋聽配料都覺得好潤喉。個人認為桂花味唔太突出，但整體入口幾清爽，感覺都係低糖之選。
冬瓜茶 $5/跟餐
台灣特飲當然唔少得冬瓜茶，呢款甜度較低，幾適合怕甜嘅人士飲用，同時又保留到冬瓜嘅天然甜味。
张贴
