翠林餐廳

营业中

休息中

天氣凍成日想食煲仔飯，估唔到乙明邨都有煲仔飯食，今晚經過見到門口見到好多煲仔先知有得食。.坐低叫左個「梅菜肉餅煲仔飯$65」另加潤腸$12蚊，又幾唔錯，幾正宗港味煲仔飯，飯粒吸滿肉汁味，香氣滿滿，潤腸切成一片片，飯粒煮晒啲精華👍🏻.小菜呢間一直都唔錯，「滑蛋粟米班塊$78」，炸到外脆內軟既魚塊沾上掛著不少粟米粒的芡汁，好好餸飯。「翠林小炒皇$78」多料好抵食，勁多腰果同魷魚，好鬼惹味。「椒鹽一字骨$88」蒜味偏重，不會太辣，肉質也不會靭，好香口。.臨走發現仲有羊腩煲食，下次食煲仔飯可以配埋羊腩煲🤣