方姐湛江雞 (已結業)

發現元朗呢排開咗好多新食店，而呢間方姐湛江雞開咗一段時間都係時候試試啦！食店位於舊B仔沿大坑渠直街、地方對區外人講較隱蔽，但區內人會知呢頭其實好多嘢食😎呢度裝修格局親民就像一般元朗舊式飯店👍🏻入到去老闆娘方姐熱情招待！還推介我們什麼必食！呢度主打湛江雞！本身以前試過湛江同事帶來的雞，實在一試難忘。所以嚟呢度希望可以回味一下😋，先叫咗個扇雞下庄🐔一個蠟鴨煲仔飯🍚另外一個蠟味炒芥蘭🌱先講個扇雞！下庄即是雞肶部份，肉質厚實好濃郁雞味😋😋配上自家製蔥油😍淨係蔥油都可以撈兩碗飯啦😋😋😋再上蠟味炒芥蘭！蠟腸潤腸蠟肉蝦乾樣樣齊！芥蘭新鮮爽脆很香口🌱🌱最後上埋個煲仔飯🍚即叫即做所以要耐心等待！煲仔飯火喉剛剛好，飯粒😋粒粒分明且飯焦不會好多👍🏻👍🏻睇得出師傅功架😍整餐飯300有找都算抵食！絕對有下次！