初見 (已結業)

上完堂又係時間搵食啦，本身個朋友仔陪我食飯飯架，點知佢話黎唔到，唯有我自己一個人食埋佢果份啦。搵左呢間初見食火鍋烤肉，好，坐低睇下有咩好食先。安格斯牛肉鍋配味噌湯，叫左個一人鍋，估唔到份量都幾多喎，88蚊黎講好抵食。安格斯牛肉紅卜卜，好靚仔下，夾住少少脂肪，食落好重牛味。個鍋較細細火，慢慢食都食得切。配菜仲有芋絲、蒟蒻、金菇、菜，都好豐富，個湯底唔會過咸，幾好！呢個麵豉醬幾好味，點牛肉拌飯都唔錯。