聯興潮州飯店

营业中

休息中

今日朋友介紹咗嚟呢間上環街市熟食中心嘅潮州打冷小菜,本來都冇諗住寫食評,但係好想讚下佢哋好食夾大件, 我哋點咗椒鹽鮮魷，秒殺咗冇影到相, 通菜炒牛肉食咗一半先至記得影相，夠鑊氣多牛肉通菜青綠好食, 潮州餸好似叫做水瓜烙,第一次食朋友點嘅,幾得意, 有啲似煎蠔餅但係中間係水瓜,脆脆地煙煙韌韌啲水瓜又爆汁,潮州菜梗係唔少得薄殼啦,唔好意思又係食到尾聲先至記得影相，個汁好香加埋啲九層塔真係食到停唔到口，鮮甜到不得了，鹵水鵝啲鵝真係夠入味，鵝又真係又嫩又滑，椒鹽九肚魚，我平時真係好怕食九肚魚因為其實好多骨要𦧲返出嚟，但係呢度佢竟然將九肚魚拆骨，你可以一淡食落去，脆卜卜又有椒鹽味,又係食到一半先醒起影相，今次真係抵讚,有水準價錢實惠嘅潮州小菜！b/t, 本來朋友話上熟食中心食嘅時候都有啲驚熱辣辣，但係估唔到佢嗰度冷氣啱啱好，坐得又舒服鬆動,我真係對熟食中心完全改觀。讚讚讚！