稻八日式火鍋炸物放題 (已結業)

朋友轉左去荃灣返工，今日收工同佢食飯，去咗間日式放題開餐。價錢係按你選擇那種肉而定由$158-$368不等，個人幾喜歡這種選擇，不需要硬性規定，得一款選擇，我地選了一個中等價錢＄238 ,有得打邊爐加食刺身，肉類有牛，豬，雞同埋羊，咩都試晒。湯底方面，我哋加左＄88要咗一個新出龍蝦湯底，真係堅整隻龍蝦作湯底，湯底滾嘅時候，龍蝦味飄晒出嚟，好香。龍蝦都幾大隻，拆咗佢嘅肉同腳可以慢慢食。一口牛柳粒好好食，佢只供應兩碟，第一碟因為出去整天婦羅，唔小心煮耐左，本身會以為好硬好靱，點知唔會，入邊仲係好淋身，第二碟放爐後，要比其他牛肉片煮耐少少先好食，非常juicy,牛味重，可惜只得兩碟。安格斯牛小排亦都係值得推薦，只係輕輕整熟佢便可入口，非常滑，肉質鮮美，而且唔肥，我哋前後叫咗四碟。天婦羅DIY ,我哋入座嘅時候，見冇乜人就不停走去自己整黎食，我同朋友都覺得蝦嘅天婦羅係最好食，侍應好細心提醒我哋可以點樣整，餐廳仲提供埋個timer,可以幫自己嘅天婦羅計時，侍應提議如果蝦嘅話大概2分鐘就可以。刺身算係bonus, 油甘魚同三文魚夠肥美，其他刺身都不錯。