1
襯閒日放假，試下午市，因為可以食成3個鐘，都係188，啱晒我呢啲鍾意慢慢食嘅人😂
座位寬敞，環境都乾淨舒適，落單係掃QR code 環保方便又唔怕漏單。
飲品係出面自己拎。
一開波例牌梗係食刺身先，兩個人去食擺盤就無咁震撼架啦，不過質料幾好。基本融雪就當然冇問題，有鮮味，三文魚係腩位，好肥美 有油香👍🏻
放題唔少得嘅壽司。其實近年放題嘅壽司質素真係高咗好多，同喺出邊逐碟叫嘅比，我會寧願食放題嘅壽司（當然唔係好貴嗰啲）
Size唔會太大，可以試多啲唔同嘅野食。飯嘅溫度適中，亦唔會好乾，個人最鍾意就係食蟹棒，叫咗四次😂
串燒牛舌，爽口juicy。
燒羊架，唔蘇，肉質嫩滑，細細舊，不過冇所謂啦唔夠咪再叫💁🏻♂️
都係好鍾意食嘅芝麻雞翼，外脆內嫩，非常香口，香芋球熱辣辣，外層煙韌，入面流心🤤
天婦羅都係即叫即整，甜薯好好味😋
燒菠蘿，燒完好甜，正
出面自助區有甜品同埋水果添，記得留返少少位呀。
呢個價錢食到咁多嘢真係超值，出邊餐廳我諗淨係壽司都叫咗呢個價錢😂
