七喜粥麵小廚 (已結業)

夜晚放工，一個人，凍冰冰，行過雞蛋仔檔旁邊的七喜，就二話不說入去醫肚。去七喜咁多次，未試過「瀨嘢」，所以此店在北角開張不久，就有一批熟客。最正是炸鯪魚球，乒乓波咁大個，熱辣辣六大個，蜆芥醬又夠大碟；連出面好少有的脆鯇片都有得食，點辣椒豉油very good，而且夠爽脆，所以叫幾次都只係食到一次。另外，這裡的水餃同牛腩都好好味，有時唔太肚餓，食一碗已好滿足。今晚，天氣凍，點了艇仔粥和咸肉糭，艇仔粥冇乜肉碎，但豬皮同鮮魷都好足料，埋單三十元，回家的路暖笠笠，已是物有所值。