冬蔭公公 (已結業)

連城廣場好多食肆，冬蔭公公款式多，價錢實惠，另外有印花優惠，聰明地綁住食客，東南亞美食，有泰式同馬來西亞式。午餐叫左個冬蔭功湯底，自選兩款加熱飲都只係54蚊，份量超大，完全食唔哂。冬蔭功湯底有三款辣度可選，我選BB辣，味道濃帶酸味但唔會太辣 ，魚腐好厚身吸哂啲湯好好味，另外魚皮餃都非常彈牙同新鮮。泰國鮮魚湯湯底，蘿蔔超諗又好味，金菇份量多，另外魚片頭都好彈牙。油鬆餅好鬆軟又熱辣辣 ，新鮮即做好好味，值得推介。