嘉寶漢堡 (已搬遷) 新店位置

一間位於尖沙嘴嘅漢堡包店，唔顯眼不過經常有人排隊食，於是我都去試試先鋪面得10個座位左右，唔係好闊，如果想慢慢嘆就要外賣好啲。另外招呼服務就一般，我點點下餐，落單同另一個員工吹水冇理我。。。等左佢90秒左右先再落單。。。漢堡最平$39起，其實呢個價食個質素中等嘅可以接受，因為去到Burger Room果類高質嘅都差唔多近百元一個炸燒賣係加錢轉套餐嘅，＋$15就有小食同餐飲，小食仲普通燒賣，薯條，薯角添。飲品有柚子蜜同薑蜜揀我叫左個孜然香辣羊堡，好足香料味，不過羊味不足，但肉汁夠，包夠大，汁都好夾，非常好食另外一個係菠蘿豬堡，一樣肉汁多，豬味比羊堡濃，再配埋菠蘿唔覺膩 另外仲加左$10/2條炸芝士條，ok嘅，抵食，不過都係唔太有芝士味。。。勝在熱辣辣，跟餐薯格同炸燒賣都好熱辣辣總括黎講，抵食夾大件，仲要唔hea又熱辣辣，感覺食材新鮮，價位相宜，唔同肉類都有2-4款口味揀，真係可以黎多幾次試勻佢，唯一要改善係員工質素同態度。