影片
更多
2020-07-17
372 浏览
東港城嘅一田超巿有幾間食店，今次揀嘅就係上次喺對面舖食嘢嗰陣見到拉麵店。食店全部坐位都係圍住開放式廚房嘅一L字形bar枱，不過上次見到放喺枱上嘅防疫板已經拆咗。店舖有拉麵，烏冬，定食，小食，選擇唔多，飲品有罐裝及支裝水或套餐嘅麵豉湯。食物味道唔錯，套餐價錢都幾抵，出餐好快手，趕時間係一個好選擇。散叫小食：大阪王將餃子(5隻)，煎得幾香。+$10套餐加配小食：單骨雞翼(2件)，連鎖快餐店味道。炸雞球(2件)，外脆內滑，唔錯。豬軟骨醬油讚岐烏冬，豬軟骨有三大件，夠淋又入味，烏冬爽滑，配菜都幾好味，係粟米同豬肉，豬肉係乾身但唔鞋。東京豚骨拉麵，麵同湯底幾好，唔會太重味。鰻魚定食，鰻肉厚肉都幾大件，夠肥美又滑，好味。可樂唔夠凍好難飲。
散叫小食：
大阪王將餃子(5隻)，煎得幾香。
+$10套餐加配小食：
單骨雞翼(2件)，連鎖快餐店味道。
炸雞球(2件)，外脆內滑，唔錯。
豬軟骨醬油讚岐烏冬，豬軟骨有三大件，夠淋又入味，烏冬爽滑，配菜都幾好味，係粟米同豬肉，豬肉係乾身但唔鞋。
東京豚骨拉麵，麵同湯底幾好，唔會太重味。
鰻魚定食，鰻肉厚肉都幾大件，夠肥美又滑，好味。
可樂唔夠凍好難飲。
张贴
