丼丼屋 (德福廣場) (已結業)

平日夜晚8點幾黎到九龍灣丼丼屋，等左大約10分鐘就可以入座。門口睇到個promotion,恆生信用卡食夠200蚊就送48以下既前菜一客兩個人叫左一個和風醬油豚肉飯，個汁甜甜地有少少酸酸地幾好味。個豚肉餐牌話係北海道產，不過食落無咩特別，不過幾厚肉。再叫左個咖哩吉烈千層豬扒，正常味道叫左個明太子雞翼餃子，辣辣地有3隻。揀左送一個明太子蛋卷，有少少芝士係中間。最後睇下睇下，竟然又見到個優惠，加25蚊就有杯新地，叫左杯宇治金時味，頂既雪榚好有牛乳味，中間加左爆谷，個底有綠茶醬，好甜。杯野好大杯好抵食埋單出收銀減返43蚊