ZAKS (已結業)

到愉景灣hea遊左個下午，大概6點15分嘅時候，肥先生話去睇下zaks多唔多人，book定位7點半食飯。去到餐廳已經有少少人開緊餐，細問下booking已經full左，即使7點walk in都未必有位。既然咁搶手，我地就早啲開餐啦。menu其實好多選擇，但听聞份量好足，所以我地只係選左兩道菜。呢個意粉超級多，份量係我平時喺其他餐廳食嘅double。雖然份量十足，但粗意粉同bacon都比較硬，如果再煮腍啲就好喇。招牌pizza十分好味，脆脆嘅薄批，再加菠蘿火腿芝士腸仔，味道配搭非常好，值得再試。