影片
更多
2024-03-11
23 浏览
今天係下雨天。同同事諗喺邊度食方便啲。醒起灣仔地鐵站出口對面有間軒尼詩冰廳，係食越南菜嘅，咁我哋就起行喇。12:40嚟到，地面層已經坐滿晒客，職員安排我哋坐喺樓上。過咗冇幾耐，連樓上都坐滿晒客。我哋叫咗以下嘢食。香茅雞翼飯（$66）：香茅雞翼有五隻咁多。好香嘅香茅味再配上脆蒜同埋蔥油，更添美味。雞翼都好juice.招牌火車頭湯河（$78）：有牛腩，牛𦟌，牛丸，生牛肉同埋牛柏葉。餸嘅份量好多，基本上我食晒啲餸都已經飽到唔係好食到個粉。牛腩同牛𦟌都炆得好夠腍。牛丸彈牙。炸蝦餅（+$22）：呢個加配item有兩件。蝦餅彈牙，蝦味重。炸春卷（+$22）：呢個加配係有三件。春卷皮炸得酥脆龍眼冰（+$8）及青檸梳打（+$8）：呢兩杯嘢飲主要係飲佢哋本身嘅果香味，健康之選。
今天係下雨天。同同事諗喺邊度食方便啲。醒起灣仔地鐵站出口對面有間軒尼詩冰廳，係食越南菜嘅，咁我哋就起行喇。
12:40嚟到，地面層已經坐滿晒客，職員安排我哋坐喺樓上。過咗冇幾耐，連樓上都坐滿晒客。
我哋叫咗以下嘢食。
香茅雞翼飯（$66）：香茅雞翼有五隻咁多。好香嘅香茅味再配上脆蒜同埋蔥油，更添美味。雞翼都好juice.
招牌火車頭湯河（$78）：有牛腩，牛𦟌，牛丸，生牛肉同埋牛柏葉。餸嘅份量好多，基本上我食晒啲餸都已經飽到唔係好食到個粉。牛腩同牛𦟌都炆得好夠腍。牛丸彈牙。
炸蝦餅（+$22）：呢個加配item有兩件。蝦餅彈牙，蝦味重。
炸春卷（+$22）：呢個加配係有三件。春卷皮炸得酥脆
龍眼冰（+$8）及青檸梳打（+$8）：呢兩杯嘢飲主要係飲佢哋本身嘅果香味，健康之選。
张贴
