影片
更多
2013-11-11
703 浏览
原本以為香港已經冇曬經濟又抵夾好食既放題，始終高級既郁啲就3XX，平既又怕野食唔新鮮食壞人。但我個平民食家表姐就帶左我黎呢間係尖咀既新野，平時黎開尖咀放題來來去去都係1，2間，既然佢推介落，愛嘗試新野既我都不能夠拒絕！入到去第一印象係個場真係好大，卡位多又闊，2人枱又可以放到好多野，一啲都唔失禮。最抵讚都係reception經理，話可安排卡位比我地叫野食既紙都有成7張咁多，平時夜題頂多都係壽司，刺身，天婦羅，拉麵咁但呢度又有特色料理，又有一啲出面少見既卷物，最正都莫過於係有海膽壽司，平時出街食平極都要20蚊客，今次終於可以食番夠本啦！我地食完佢頭輪送既刺身拼盤之後，決定encore返油甘魚，三文魚同吞拿魚。今次上桌唔再係一盤上，師博細心地將三種魚不同咁舖係啲冰上面，上桌時一片片粉紅，深紅，淺橙咁，淨係賣相都win曬不過最鐘意佢既刺身都係好厚一塊，而唔係不知所謂既”刀功了得“薄薄一片就當一份數量比你。講返味道，我就最鍾意先食三文魚->油甘魚->吞拿魚，三文魚類肉質肥美，再加上呢度過厚肉，食1，2塊，再食舊味道醇厚，但脂肪量較少既油甘魚，吞拿魚因為脂肪量較少，味道較其它魚撲
叫野食既紙都有成7張咁多，平時夜題頂多都係壽司，刺身，天婦羅，拉麵咁
但呢度又有特色料理，又有一啲出面少見既卷物，最正都莫過於係有海膽壽司，平時出街食平極都要20蚊客，今次終於可以食番夠本啦！
我地食完佢頭輪送既刺身拼盤之後，決定encore返油甘魚，三文魚同吞拿魚。今次上桌唔再係一盤上，師博細心地將三種魚不同咁舖係啲冰上面，上桌時一片片粉紅，深紅，淺橙咁，淨係賣相都win曬
不過最鐘意佢既刺身都係好厚一塊，而唔係不知所謂既”刀功了得“薄薄一片就當一份數量比你。講返味道，我就最鍾意先食三文魚->油甘魚->吞拿魚，三文魚類肉質肥美，再加上呢度過厚肉，食1，2塊，再食舊味道醇厚，但脂肪量較少既油甘魚，吞拿魚因為脂肪量較少，味道較其它魚撲實所以放最後食。
食完魚既刺身，我地道試蠔既刺身，生食蠔我真係好少係日本放題食過，不過味道都幾特別，入口似食生蠔，不過佢既SIZE又比生蠔大，咬落冇JUICY，不過就有好濃既蠔味，類似金蠔豉個種濃厚風味，我就鐘意點少少刺身豉油，再落少少檸汁，更加帶得出蠔既鮮味同削減左佢滯既感覺
壽司黎講，我就最鐘意和牛卷同UNI（海膽）壽司，前者用生牛肉代替紫菜包住舊飯，生牛肉薄薄一片，入面仲有少少紫”so”葉，媛和左和牛既油膩感之餘都增添左一份香味，配埋wasabi豉油就更加正!海膽壽司口味好香濃，海膽入口即溶，即得一讚係呢度啲紫菜係脆既!飯都係凍既，最討厭食暖飯壽司
呢道檸檬香檳汁香草蜆就真係要推介啦，平時食日本野蜆都係清酒(Saki)煮，但呢度個汁係酸酸地，有少少酒香，2者既味道都幾夾，蜆既處理都幾好，冇沙之餘都粒粒有肉，食曬蜆，仲可以飲埋碗湯因為佢入面仲有雜菜粒!女士如我黎多幾碗都可以呀!大滿足!
张贴
