Lockeroom Express (已結業)

今日行過佐敦，我比一件件波衫吸引左我的眼球，一睇，原來係一間餐廳來，叫做Lockeroom Express。由於係晚上關係，都有少少餓餓地，所以我地就走左落去食。落到餐廳，見到餐牌都唔錯，價錢唔貴又幾多款式，係市區來講真係清泉啦。原來叫完野食，可以免費有得自然添飲餐湯，今日係龍蝦湯，味道唔錯，天氣凍凍地的時候，飲下就岩啦。我地叫左一客黑松露龍蝦意粉同埋紐西蘭草飼肉眼扒，份量都唔少，夠食。先講個意粉，黑松露味道夠香，龍蝦又入味。至於個肉眼扒，唔太韌，入口岩岩好，配菜都夠哂入味。最後仲叫埋兩杯跟餐餐飲同埋好食的甜點，夠哂滿足。