八幡屋涮涮鍋 (已結業)

今日同朋友去旺角瓊華中心八幡屋涮涮鍋打邊爐, 貪佢經社交平台訂座, 可以有半價優惠, 仲可升級至4小時. 我地點左左C4套餐:日本A4黑毛和牛, 和牛肉味濃, 入口即溶, 油花分佈均勻.日本黑豚肉, 輕輕滾一滾轉色就可以食, 黑豚肉味充份. 仲額外有海鮮拼盤比其他套餐多咗鮑魚, 海鮮非常新鮮, 入口彈牙. Asahi, Haagen Dazs仲可以任飲任食餐廳用QR code 點餐, 天婦羅金菇同蝦不停encore, 串燒, 燒物, 超惹味, 炸饅頭點練奶就啱哂啦 , 重有其他刺身, 魚生厚切, 珍寶帶子勁正！ 有自助bar可拎丸、菇、麵, 超多款, 菜類值得一讚, 羽衣甘藍真係唔係好多地方可以食到架, 重有響鈴、炸魚皮、碗仔翅等小食都可以任食, 真係飽到癲.最後雪櫃重有我最愛嘅Mochi ! 壽司, 啫哩, 雪糕都係隨便拎, 最正係有 Apple cider飲添