婆婆家餃子館

餐廳主打上海菜，提供餃子、小食、上海飯麵套餐等。晚市7點半左右已經full哂，等左5-10分鐘有位。

叫左豬軟骨晚市套餐($60)，口水雞套餐($57)，紅油抄手($45)，白菜豬肉餃6隻($28)，家鄉韭菜盒。

豬軟骨晚市套餐

$60

豬軟骨非常多，起碼有9件。每件都軟’林’適中，入味。仲有幾件薯仔、紅蘿蔔，真心好足料又唔貴。

豬軟骨

如果軟骨位煮得再軟身d，就更好。晚市套餐仲有小食青瓜、豆漿附送，叫少白飯都依然俾勁多。

口水雞

$57

口水雞選用雞髀部位，雞皮滑嫩多肉。面頭既蒜辣醬超惹味，揀左少辣，有陣陣酸酸辣辣既味道，配飯一流。

紅油抄手

$45

紅油抄手一碗有12隻，每隻都大小均勻，肉餡豐富。熱辣辣再加上少辣，食食下會嗆。

白菜豬肉餃(6隻)

$28

餃子既皮比抄手既厚身d，但餡料一樣飽滿。枱上有調味料可以落，唔知係味隨個人口味，可以問廚房拎湯(?)。

1

家鄉韭菜盒

見到餐牌有韭菜盒，即刻叫。咁岩得番最後一件，好好彩廚房職員肯賣埋俾我地，超感動。炸過既韭菜盒超脆，但食落唔油膩唔熱氣。餡料有超多韭菜，混有冬粉、蛋等材料，香口又大件。重點係，好少有餐廳賣。

整體，餐牌上面有各式各樣既上海小食，仲要價錢唔貴質素高，2個人賣單人均$100，食到極飽仲有剩。要去多幾次先食哂心水食物。