吃扒 (已結業)

旺角見到有間港式扒房，環境幾再氣氛，好多唔同既燈飾，營造好warm既感覺！menu主打都係食扒，亦都有意粉，什至有KETO,岩哂減肥既人！KETO飲食既人又有一個好選擇！KETO慢煮西冷牛扒，選擇左紅酒汁，西冷大大塊亦都有相當既厚度！切開後內層微微粉紅，紅酒汁味道都幾配襯！西冷有咬口，牛味幾突出！旁邊大量既椰菜花，topping帶有 忌廉酸煙肉碎，咸香感幾突出！加錢轉餐有埋餐湯 羅宋湯，味道都ok, 酸味味幾開胃。特選肉眼扒5成熟，order完先見到原來可以加熱溶芝士，但可惜太遲了！差唔多台台都會加熱溶芝士，我諗應該會幾吸引！而今次我就只選了黑椒汁，都相當入味，肉眼肉質緊緻！咬開夠嫩滑，又有彈性！juicy肉汁又夠多，大大塊感覺好正，轉餐有餐包，餐湯，温度微温，質感夠鬆軟，加上牛油幾好食。最後仲有朱古力brownies, 味道唔會死甜！軟軟綿綿幾正。