影片
更多
2018-09-18
753 浏览
呢排隊想食得清淡啲，所以同朋友決定食日本嘢，行過見到有簡簡單單嘅丼，正合我心意，一於試試先。睇完餐牌，樣樣都好吸引，最後我同朋友揀咗2款刺身丼。叫完嘢食，店員就先嚟麵豉湯，因為加咗洋蔥，飲落唔會死咸，味道清清哋，唔錯，我添飲咗幾碗。跟丼會有罐裝飲品，我要咗烏龍茶，呢款茶味都幾香濃。朋友要咗柚子蜂蜜，呢款就甜甜哋，好潤喉。終於到主角上場，我叫咗帆立貝海膽丼，帆立貝好厚身好大粒，食落又軟又甜，海膽係成板上，食落好甘香，仲有三文魚子卜卜脆，食完原味，就加醬油wasabi一齊食，更能帶出刺身鮮味。丼嘅飯粒分明，食到淡淡壽司醋味，加上有飯素，就咁食都好味，配上刺身就更加係令人胃口大增。朋友叫咗北海道魚生爆丼，貪佢樣樣刺身都有，可以試齊咁多款，每款刺身都好新鮮，鯖魚味濃，油甘魚鮮甜，吞拿魚鮮味，三文魚油脂好足，入口即溶，甜蝦又鮮又實肉，北寄貝彈牙，甜玉子面頭仲印有店名，好精緻，完完全全滿足朋友嘅慾望。因為刺身份量好多，所以我另外再添了一碗飯，跟麵豉湯一樣，都係免費添加，呢方面真係幾好! 食完凍嘅刺身，再飲返碗熱湯，平衡返晒。最後送上蒟蒻甜品，為呢餐畫上句號。呢餐除咗免加一，原來星期一至四晚市仲有8
睇完餐牌，樣樣都好吸引，最後我同朋友揀咗2款刺身丼。
叫完嘢食，店員就先嚟麵豉湯，因為加咗洋蔥，飲落唔會死咸，味道清清哋，唔錯，我添飲咗幾碗。
跟丼會有罐裝飲品，我要咗烏龍茶，呢款茶味都幾香濃。
朋友要咗柚子蜂蜜，呢款就甜甜哋，好潤喉。
終於到主角上場，我叫咗帆立貝海膽丼，帆立貝好厚身好大粒，食落又軟又甜，海膽係成板上，食落好甘香，仲有三文魚子卜卜脆，食完原味，就加醬油wasabi一齊食，更能帶出刺身鮮味。丼嘅飯粒分明，食到淡淡壽司醋味，加上有飯素，就咁食都好味，配上刺身就更加係令人胃口大增。
朋友叫咗北海道魚生爆丼，貪佢樣樣刺身都有，可以試齊咁多款，每款刺身都好新鮮，鯖魚味濃，油甘魚鮮甜，吞拿魚鮮味，三文魚油脂好足，入口即溶，甜蝦又鮮又實肉，北寄貝彈牙，甜玉子面頭仲印有店名，好精緻，完完全全滿足朋友嘅慾望。
因為刺身份量好多，所以我另外再添了一碗飯，跟麵豉湯一樣，都係免費添加，呢方面真係幾好! 食完凍嘅刺身，再飲返碗熱湯，平衡返晒。
最後送上蒟蒻甜品，為呢餐畫上句號。
呢餐除咗免加一，原來星期一至四晚市仲有88折優惠，真係好抵食!
张贴
