軍記海鮮菜館 (已結業)

2005年9月10日見到幾多好評於是到來試一餐。例湯($6 碗) - 西洋菜蜜棗雞腳，好甜，但頗肥膩。風沙雞($50半隻) - 真正是皮脆肉嫩，好好食，和彭慶記的不相伯仲。豉椒炒蜆($38) - 大碟，但嫌辣味過重遮掩了其他味，有些蜆也有沙。咕嚕肉($40) - 又係好大碟，炸得好脆，肥瘦適中，味道略嫌過濃，和獻汁過杰。大枝澳門啤酒($10)，味道清淡似汽水。見其他檯的蒜香骨，燒腩和涼瓜雞蛋炒魚腸都幾好樣，下次再來試。