小麻吉滷肉飯 (已結業)

今日行過旺角女人街見到有間新嘅台灣小食店！下午茶好抵食所以即刻入去一試🍚🍗呢度下午茶只係$31😍😍，包左一碗小碗滷肉飯或者一個迷你麵，然後再加三款小食🍤我同朋友點左一個滷肉飯&一個擔擔麵交換試吓，小食都每人揀咗三款一共六款可以多啲選擇！😂😂😂滷肉非常之惹味，又唔會太咸或者太油，攞嚟撈飯真係一流！食晒成碗都完全無難度🍚🍚🍚朋友仔果碗麻辣擔擔麵，麵質非常彈牙！唔會太辣👍👍小食方面我哋叫咗鹽酥雞、木魚豆腐、小香腸、滷蛋、小黃瓜同花枝丸！我最鍾意係佢個鹽酥雞同木魚豆腐鹽酥雞炸得啱啱好無乜油膩感😋木魚豆腐就非常開胃！飲品方面我地叫咗香芋珍珠奶茶同百香果綠茶，兩杯甜度適中，珍珠亦煙韌好有咬口，絕對拍得排長龍嘅珍珠奶茶店！😝😝