✨必點蝦仁特色薺菜上湯大云吞（10隻/$58）
一上枱就嚇親！啲云吞大過乒乓波🏓 皮薄到透光，咬落去成隻爽口蝦仁彈出嚟，仲有清香薺菜碎，湯底用大地魚熬好鮮甜。老婆話係佢食過最足料嘅云吞，十蚊隻都抵！
🐮五香牛腩湯麵（$55）
牛腩炆到淋滑入味，仲有筋位啫喱口感，五香味濃但唔會死鹹。麵條揀咗幼麵，掛湯一流～
飲品方面凍豆漿（$10）豆味濃又唔會太甜，凍鴛鴦（$18）茶啡比例剛好，行完街飲超爽！
總結：性價比高嘅街坊小店，云吞真係驚艷級👍 下次想試佢哋招牌菜肉餛飩！建議避開12-2pm lunch hour要等位～
