滿屋日本料理 (大埔超級城C區)

营业中

休息中

今日女朋友嚟同我阿爸阿媽食飯 咁就book咗一間喺大埔新開嘅放題餐廳叫做滿屋日本料理 顧名思義真係浪漫滿屋呀入到去款式應有盡有 除咗有普通飲品甜品同埋熟食之外 仲有一個朱古力噴泉 幾有特色 仲有棉花糖同埋生果可以浸落去 但係都係留番畀小朋友玩好啲刺身拼盤 有三文魚 油甘魚 赤蝦 帶子等等 全部都好新鮮肥美 尤其是係三文魚 魚油好甘香豐富 帶子極之鮮甜爽口 值得一讚之後就叫咗一啲熟食 首先有一個芝士焗扇貝 芝士嘅味道好香 鹹鹹甜甜 加上彈牙爽口嘅扇貝 令到大家都一食上癮帶子壽司 帶子好鮮甜 口感幾軟滑 加上酸酸地嘅壽司飯 令到大家都好開胃花之戀壽司 三文魚幾肥美 加上甜甜地嘅燒汁 都幾清新可口