影片
更多
2023-02-28
50 浏览
韓閣 Korean Loft Cafe 📍荃灣青山公路275號富裕樓地下G4-6號舖同朋友約咗喺荃灣食晚飯，見到呢間排晒長龍嘅韓國菜，肚餓嘅我哋又點忍得住唔食啊，佢翻檯都翻得幾快，所以我哋排咗大概15分鐘左右就有得食啦。平視我哋比較少食韓國菜，都係第一次嚟呢度先至有蛋卷呢種嘢食，今餐入邊最滿意嘅就係佢啦！ 💰$118三重芝士炸雞件 🐓佢哋嘅炸雞可以揀有骨定雞件，我哋就梗係揀食得方便啲、又啖啖肉嘅雞件啦！至於口味我哋就揀咗三重芝士，相信大家睇相都睇得到佢可以拉到幾長嘅絲啦！而且佢嘅芝士味好有層次，真係由三種唔同口味嘅芝士混合一齊，啱晒我啲重口味又鍾意芝士嘅人！佢嘅雞皮唔會炸得過乾，但都好脆口，而最驚訝嘅係佢哋雞肉非常嫩滑，啖啖肉又有肉汁，呢個價錢有六至七件，抵到無人有！ 💰$54泡菜豬肉芝士手卷 🧀🍱我食親韓國菜都鍾意叫條飯卷食嘅，就好似食壽司都會叫返條卷物一樣嘅道理。呢款泡菜味雖然睇落顏色好似好辣，但其實都只係一般嘅泡菜口味，怕辣嘅朋友唔需要擔心。佢嘅豬肉係豬腩肉片，脂肪位好彈牙，加埋芝士一齊食，正！ 💰$78心多多蛋卷 🍳日本蛋 必食嚟到我今餐最愛嘅蛋卷，睇相就已經覺得佢好似日式嘅玉
📍荃灣青山公路275號富裕樓地下G4-6號舖
同朋友約咗喺荃灣食晚飯，見到呢間排晒長龍嘅韓國菜，肚餓嘅我哋又點忍得住唔食啊，佢翻檯都翻得幾快，所以我哋排咗大概15分鐘左右就有得食啦。平視我哋比較少食韓國菜，都係第一次嚟呢度先至有蛋卷呢種嘢食，今餐入邊最滿意嘅就係佢啦！
[價錢 Price]
💰$118
三重芝士炸雞件 🐓
佢哋嘅炸雞可以揀有骨定雞件，我哋就梗係揀食得方便啲、又啖啖肉嘅雞件啦！至於口味我哋就揀咗三重芝士，相信大家睇相都睇得到佢可以拉到幾長嘅絲啦！而且佢嘅芝士味好有層次，真係由三種唔同口味嘅芝士混合一齊，啱晒我啲重口味又鍾意芝士嘅人！佢嘅雞皮唔會炸得過乾，但都好脆口，而最驚訝嘅係佢哋雞肉非常嫩滑，啖啖肉又有肉汁，呢個價錢有六至七件，抵到無人有！
[價錢 Price]
💰$54
泡菜豬肉芝士手卷 🧀🍱
我食親韓國菜都鍾意叫條飯卷食嘅，就好似食壽司都會叫返條卷物一樣嘅道理。呢款泡菜味雖然睇落顏色好似好辣，但其實都只係一般嘅泡菜口味，怕辣嘅朋友唔需要擔心。佢嘅豬肉係豬腩肉片，脂肪位好彈牙，加埋芝士一齊食，正！
[價錢 Price]
💰$78
心多多蛋卷 🍳
日本蛋 必食
嚟到我今餐最愛嘅蛋卷，睇相就已經覺得佢好似日式嘅玉子燒，呢款心多多就啱晒我咁心多多嘅人，佢有齊晒泡菜辣醬、紫菜明太子、芝士二重奏三種口味，一次過滿足晒三種願望。每款口味都有兩件，而最得我心嘅一定係紫菜明太子，明太子鹹鹹香香，同蛋一齊食真係最夾！
[價錢 Price]
💰$18
紫菜粉絲卷 🍱
同場加映埋佢兩款特價小食，呢個紫菜粉絲卷超級無敵好食，佢嘅皮炸到好似炸壽司咁，中間嘅粉絲口感煙煙韌韌，個人認為係必點！
[價錢 Price]
💰$18
牛骨魚膏片湯🥣
因為叫得太多嘢食，我哋無叫到一鍋牛骨湯麵或飯，所以決定叫返碗牛骨魚膏片湯嚟飲。佢嘅牛骨湯好清甜，魚膏片有四大片，咁都只係收你$18咋，真係大平賣益街坊！
留意，佢哋依家推緊現金券優惠：
【優惠1】買1本 $500現金券，即減$100
【優惠2】買3本 $500現金券（共$1500），即減$300再送價值$168 韓式豬手一份，真係超值！
张贴
