小麻吉滷肉飯 (已結業)

對於女人街入面既食店我一向都好有保留，因為中過幾次伏，但有日經過見到呢間台灣茶大排長龍，價錢都唔貴，就去左試喇 一個set最低$60 今次加左錢配麻辣豬耳同黃金雞扒；滷肉飯不過不失，滷肉份量如果多返啲會好好多，另外個湯都比較咸，十足十係台灣飲到既個種味；豬扒好厚身，食得出冇落好多鬆肉粉，食到豬既質感，味就中規中矩啦；豬腸值得一讚，洗得好乾淨，肥膏都清得好好，而且十分入味！另外叫左一份炸蕃薯，皮比較厚，但蕃薯好甜 呢個價錢 呢個份量，絕對係抵食呀！