金船長餐廳 (已結業)

13/1 book 位 7:00, 14/1, 6:45打嚟 confirm我.入到去環境比想像中差好遠, 以為係高格調又好有情調嗰種feel...原來唔係!環境太黑, 同隔離枱係痴到好埋, 因為裡面細到要張d枱拍埋一字形坐...每兩張拍埋嘅單人枱先至有一個人身位嘅走廊仔...望住對面我老公, 就等於望埋隔離左右兩邊枱嘅兩位男士...最得意係坐我老公嗰排(路口位)原來清一色都係男士, 我嗰排就全部都係女士, 都幾攪笑呀!就連隔離d人細細聲講d咩都聽到!好喇!到上菜喇!因為太黑, 所以冇影相...不過d野食又真係好好食喎!由其是: 黑松露菌醬意式馬斯卡普芝士夾心比薩 $98 <---真係要試下喇! d waiter 會走嚟講解下! 上台時,一定要食先,因為係最有味道,最香,餅皮最脆嘅時候! 三種食法, 各有不同!想食好嘢~喱間係唔錯之選!想搵埋三五知己傾下計就真係要唸過喇!