龍門冰室 (已結業)

第一次幫襯銅鑼灣冰室 地點十分就腳 食完仲可以去皇室堡 時代廣場行街 同大班朋友食都可以 每個人都會揀到啱食既 而且門面整齊 員工有禮快手 唔洗等好耐 今次我地兩個人 嗌咗瑞士雞翼 吞拿魚芝士玉子燒炸蝦撈麵 同埋茄汁蛋雞扒飯 飲奶茶紅豆冰 iced latte 一上台嚇親 好大份 大食既我地即刻覺得好滿足 唔會唔夠飽 見佢賣相都幾好 就滿懷期待開始食啦 先講瑞士雞翼 相當入味而且好稔 $20有五隻 每隻大小適中 都幾抵食 然後都玉子燒啦 唔單止大份 更加料十足 吞拿魚多到流出黎 撈麵都好多仲有三隻炸蝦 絕對夠飽買咗奶茶紅豆冰 奶茶茶底唔錯 而且紅豆都咁稔 如果怕甜嘅朋友可以請佢少甜 另外杯latte 咖啡味十足 整體而言大份 兼味道幾好 食物種類選擇十分多 唔怕揀唔啱口味 相信會再嚟