四川陳阿姨風味

好想食辣野，見到呢頭新開咗間賣涼拌嘅鋪，於是買外賣返屋企食～

涼拌牛栢葉 $38

份量都幾多，牛栢葉超級爽口，底下鋪滿芽菜索哂啲辣汁，勁入味，大推！

涼拌粉皮+木耳+豆腐乾+蝦球 $46

份量真係好足，木耳爽口，豆腐乾索哂啲辣汁好好味，蝦球彈牙，粉皮口感煙韌，個汁超正，有啲花生醬味，揀咗中辣，好辣但又好正，本身附有芽菜、芹菜、甘筍、芫茜，撈埋啲汁真係好出色！
整體黎講，鋪頭細細間，堂食位置得2個左右，但價錢唔貴而且份量幾多幾好味，啲野食即叫即整，所以要預等一陣～都幾抵食，值得encore～