十兄弟車仔麵 (已結業)

二人出去食野，如果朋友係食素好多時都要就佢，而呢間車仔麵都係一個唔錯選擇🤩我係大胃王而朋友食素，呢度就有素麵選擇✔️所以我就叫左最豪十兄弟，朋友就叫靚靚全素麵。📍最豪十兄弟都真係好鬼豪，有成十樣餸，未食先飽。特別炸豬頸肉同炸雲吞想介紹下，豬頸肉炸得邊少少脆口不太油，炸雲吞都唔係全穌炸好漏個種。另外佢有個墨魚腐皮卷都幾特別，出面通常係原味，呢度就夾住墨魚鮮香。😋📍靚靚全素麵望都幾清，唔似出面嗰啲湯好濃好油, 而且份量方面充足。我朋友都覺得蘿蔔夠清甜，炸支竹又唔會太油，仲有面條都軟硬度適中。😌總括嚟講都幾好食，二人都食得好飽，百幾蚊埋單，確係幾抵食😚