影片
更多
2019-07-02
565 浏览
幾個月冇見班懶人，費事諗食乜緊係要bk食放題，大家識做餓足大半日黎拆番餐勁。冇諗過咁多人唔諗住減肥，平日都坐滿人，好彩bk左位有卡位坐，我地幾個肥婆坐得好鬆動椅都未坐暖，又餓又渴既我，就趕住去飲品櫃拎野飲，雖然好多飲品花多眼亂，但首選始終係我情有獨種既解茶，至少飲番兩樽，真係唔係到到都咁多選擇，淨係飲解茶都抵番晒。拎完野飲轉個背就有大個自助沙律櫃任拎開胃前菜(元X要20幾蚊既螺、八爪魚，酒樓4,50蚊既冇骨白雲鳳爪，泡菜，車厘茄果d) 唔執輸夾左d開一開胃。拿拿臨點左放題主菜刺身，咩都食既我習慣第一輪刺身全部都點番10片以上，驚黎唔足(點佢又真係黎足，搞到我唔知點唔點第二輪好) 好彩每片都好精緻下，一啖可以兩片希靈魚，唔會太漏，可以放心安歌既！特別點名讚下帆立貝好大粒又鮮甜，甜蝦咁大條都食得好爽，最怕有d地文俾甜蝦壽司果種甜蝦，咁剝蝦殼都浪費時間。所以安歌都再點過帆立貝希靈魚仲有虎蝦，正！本身真係好鐘意食黑松露油甘魚壽司，所以全肚刺身下點都忍唔到口要食番兩件，食完再食我最愛既海膽手卷，細細舊好Q，唔算太撐肚！食完一輪生冷野，食番d熱野暖下胃，每次都要食既蟹粥，幾個人share一鍋，小食
椅都未坐暖，又餓又渴既我，就趕住去飲品櫃拎野飲，雖然好多飲品花多眼亂，但首選始終係我情有獨種既解茶，至少飲番兩樽，真係唔係到到都咁多選擇，淨係飲解茶都抵番晒。
拎完野飲轉個背就有大個自助沙律櫃任拎開胃前菜(元X要20幾蚊既螺、八爪魚，酒樓4,50蚊既冇骨白雲鳳爪，泡菜，車厘茄果d) 唔執輸夾左d開一開胃。
拿拿臨點左放題主菜刺身，咩都食既我習慣第一輪刺身全部都點番10片以上，驚黎唔足(點佢又真係黎足，搞到我唔知點唔點第二輪好) 好彩每片都好精緻下，一啖可以兩片希靈魚，唔會太漏，可以放心安歌既！特別點名讚下帆立貝好大粒又鮮甜，甜蝦咁大條都食得好爽，最怕有d地文俾甜蝦壽司果種甜蝦，咁剝蝦殼都浪費時間。所以安歌都再點過帆立貝希靈魚仲有虎蝦，正！
本身真係好鐘意食黑松露油甘魚壽司，所以全肚刺身下點都忍唔到口要食番兩件，食完再食我最愛既海膽手卷，細細舊好Q，唔算太撐肚！
食完一輪生冷野，食番d熱野暖下胃，每次都要食既蟹粥，幾個人share一鍋，小食多滋味！平時係街唔覺自己咁鐘意食粥，另外要特別提一提牛柳粒，難得唔「鞋」煮得幾「林」，食過太多間，牙都幾乎扯甩，鐘意食肉既朋友可以試下！
一口鰻魚個燒汁幾濃，係我鐘意既味，我真係可以一個人幾口KO佢！
佩服自己，食完咁多野，都仲可以食一口炸鮮奶、天掃羅，實在係炸物控，樣樣一口我都食左幾口，但細食既朋友就唔駛擔心，一口係真係一口既！
最後已經2.99/3肚既我，見到咁大個自助甜品櫃都無福消受，拎左個乳酪減下脂(真係幾鐘意放題後食乳酪) ，降低左幾多罪惡感！
张贴
