影片
更多
2022-08-15
52 浏览
講起青衣，真係諗唔到有啲咩好嘢食，好似食物沙漠咁。原來喺一間平民商場入面，有一間泰國餐廳，食物質素幾好而且價錢勁抵！餐廳座位寬落，坐四個人都唔會話逼，而且上菜速度都好快！👍🏻------------------------------叫咗一個四人餐，$438可以喺佢個menu揀五款食物，每人以半價加一杯嘢飲，勁抵食！🧆/泰式小食拼盤（小）/拼盤豐富，咩都有啲：炸雞翼、蝦餅、春卷、串燒。最好食係佢個蝦餅，配上甜辣醬，好開胃；春卷裏面包嘅係蔬菜，食落味道差少少，但就啱曬食素嘅人，清清地；串燒同炸雞翼味道正常，冇太大驚喜。🐔/去骨海南雞半隻/份量都好多有足足半隻！雞肉整得幾好，冇雪味肉質好嫩滑，點佢酸酸辣辣嘅海南雞醬食，好開胃幾好食，推薦！🍳/泰式蠔仔鐵板炒蛋/蠔仔好多，大大粒好juicy！伴碟嘅醬汁酸酸甜甜，闢到少少蠔仔嘅腥味，同蠔仔蛋都好夾！Overall食落其實類似台灣夜市嘅柯仔煎，不過蛋味濃郁啲，啲蛋好似有少少炸嘅感覺，更香口！🦀/招牌焗黃咖哩麵包軟殼蟹/份量好大！軟殼蟹好大隻，有四舊，炸到金黃脆皮，擺喺厚厚嘅麵包磚上面，再淋埋滿滿嘅黃咖喱汁，勁吸引！黃咖喱唔辣，甜甜地有啲椰香味，食
------------------------------
叫咗一個四人餐，$438可以喺佢個menu揀五款食物，每人以半價加一杯嘢飲，勁抵食！
🧆/泰式小食拼盤（小）/
拼盤豐富，咩都有啲：炸雞翼、蝦餅、春卷、串燒。最好食係佢個蝦餅，配上甜辣醬，好開胃；春卷裏面包嘅係蔬菜，食落味道差少少，但就啱曬食素嘅人，清清地；串燒同炸雞翼味道正常，冇太大驚喜。
🐔/去骨海南雞半隻/
份量都好多有足足半隻！雞肉整得幾好，冇雪味肉質好嫩滑，點佢酸酸辣辣嘅海南雞醬食，好開胃幾好食，推薦！
🍳/泰式蠔仔鐵板炒蛋/
蠔仔好多，大大粒好juicy！伴碟嘅醬汁酸酸甜甜，闢到少少蠔仔嘅腥味，同蠔仔蛋都好夾！Overall食落其實類似台灣夜市嘅柯仔煎，不過蛋味濃郁啲，啲蛋好似有少少炸嘅感覺，更香口！
🦀/招牌焗黃咖哩麵包軟殼蟹/
份量好大！軟殼蟹好大隻，有四舊，炸到金黃脆皮，擺喺厚厚嘅麵包磚上面，再淋埋滿滿嘅黃咖喱汁，勁吸引！黃咖喱唔辣，甜甜地有啲椰香味，食落比較creamy，食多果一舊會開始有啲膩，個人覺得如果辣啲會仲惹味好食！
🍍/泰式菠蘿海鮮炒飯/
海鮮炒飯有好多海鮮配料，菠蘿粒好鮮甜，好醒胃！
🍹/珍多冰/ +$13
🍹/椰汁冰/ +$13
🍹/咸檸檬梳打/ +$13
🦐◖泰式生海蝦（12隻）◗ $168
好新鮮，有一粒大大粒嘅蒜頭喺面，隻蝦就擺喺個cocktail杯入面。蝦肉鮮甜爽口，有兩種唔同嘅醬汁浸住啲海蝦，青色偏酸紅色偏辣，個人鍾意青色嘅醬汁多啲！
🥓◖馬拉盞豬頸肉炒河◗ $68
河粉炒得幾入味，幾乾身同完整，唔會一舊舊，加埋啲黃椒青椒可以中和返個油膩感！食曬成份就會略嫌少少濃味，豬頸肉份量亦唔算好多。
Encore指數：8.5/10
------------------------------
我地怕唔夠食仲散叫咗啲，但事實證明係好夠仲有突嘅！四人套餐呢個價錢有五道菜，仲要啲菜式都係幾高質幾吸引，又有主食又有海鮮，平日唔洗收加一，真係抵到爛，絕對值得回票價！見到其他枱每枱都有叫套餐入面嘅明爐烏頭魚🐟，可能係佢地嘅招牌菜，下次去可以再戰！
张贴
