御滿屋日本料理

营业中

休息中

果日去開旺角行街，咁啱想食放題，旺角銀行中心隔離有好多嬸嬸喺度派傳單，我攞咗張食放題嘅傳單，見到都好似好多野食，於是上去試吓。上到去等咗一陣位，店員好快就安排入座，座位唔迫，有梳化位，坐得舒服。食物款式都幾多，有2大本點野食紙，真係花多眼亂，每張紙都點咗少少試吓。刺身好新鮮，每款都係厚切，完全冇腥味，海膽手卷d海膽勁新鮮，冇苦味，手卷d飯唔大舊，可以食多幾件，其他壽司都算迷你版，可以試多幾款。佢地喺熟食都唔錯，燒物燒得好香，由其是炸蝦，好大隻，好新鮮爽口，天婦羅上枱熱辣辣，個炸皮好薄，好香脆，呢度仲有鵝肝壽司，回本之作，仲有炸魷魚鬚再好出色。除咗有紙tick野食之外，出面仲有好多熟食同甜品，最抵就係每人一杯Haagen-Dazs同Movenpick雪糕。