小清邁 (柯士甸大廈) (已結業)

臨急臨忙要去尖沙咀交文件，又要趕返公司見客，咁啱經過柯士甸路，見到有間泰國菜外賣店叫小青邁，一於買啲返公司和同事一齊食。無骨海南雞飯，雞和飯的份量充足，十分抵食。雞已去骨啖啖肉，肉質夠滑又有口感。雞油飯粒粒分明，夠香夠味！滷豬髀飯，豬髀滷得非常透徹，光看色澤就知道算是重口味的，瘦肉部份不會過柴，肥肉的地方帶點Q彈，很適合配飯。菠蘿炒飯：飯炒得夠鑊氣，菠蘿的香甜再配上脆口的鹽焗腰果和肉鬆，非常美味！