火五越式牛肉粉專門店 (其昌樓)

营业中

休息中

呢間越南餐廳．佐敦都有分店，款款菜式都係幾十蚊，下午茶餐配埋飲品，外賣仲有8折，唔怪得咁多人幫襯，食完想再有下次。「火五生牛肉粉」薄薄嘅生牛肉，都好多片，皆因肉質夠嫩，半熟狀態一定唔會靭。湯底好味有驚喜。「香茅雞翼撈檬」雞翼keep到肉質唔會太乾, 配撈檬酸酸甜甜，特別開胃。「法式咖哩牛肋油香飯」牛肋好正，有口感。配搭金黃色油香飯，咖哩汁嘅比例，足夠融入每粒米飯，唔太辣，帶出濃郁嘅咖哩香味。「蒜蓉牛油蝦球」蝦球大大粒，勁爽，蒜蓉牛油勁香口。