친구네韓國料理 (已結業)

呢間韓國外賣小店係韓國人開，位置好隱蔽，平時唔多會注意到，喺快剪店隔離。主要都係賣韓國人最鐘意既泡菜，冷盤小菜，我自己唔太鍾意佢個泡菜，冇乜酸甜味，得少少辣，白菜又唔夠脆口。堤魚就不錯，好香，調味又好，送飯一流。平時多數去買紫菜包飯，有兩款，一款普通，一款有用蛋煎過外面，我自己就喜歡普通，清清地，食到d材料即味，下午茶食哂成個都幾正！如果正餐我會推薦韓式拌飯，有6,7款配料，份量又多，食落好豐富，加埋佢啲韓式辣醬，張所有野撈埋一齊食，係一個好滿足嘅午餐或晚餐！