친구네韓國料理 (已結業)

呢間喺街市入面嘅韓式小店成日都幫襯 老闆娘好Nice 仲係韓國人嚟㗎 可以食到正宗嘅韓國味道😋好鍾意食呢度嘅拌飯 配料超多 好豐富 每一啖都食到勁多配菜！呢度嘅泡菜都好正 酸酸辣辣 而個飯嘅口感都好煙韌有咬口❤️

今日經過一間韓式小店，決定買外賣做晚餐，試咗佢嘅泡菜豆腐鍋飯，店主兩公婆都係韓國人，老公負責做菜，老婆負責做收銀，我見佢好似淨係做外賣，舖位超細，好有小店嘅感覺。老闆做好菜，老闆娘就會好有心機咁包好俾我哋，雖然老闆娘唔識講中文，英文都麻麻地，但感覺她還是很有禮貌，態度好親切。回家打開外賣盒，豆腐鍋熱到出煙，趁熱食爭啲爆咀，湯底夠濃夠辣，豆腐亦出奇地滑，一路熱住食又熱又辣，感覺好刺激，食完呢餐好滿足。

一直都好鍾意幫襯呢間係街市入面嘅韓式小店😎因為係正宗韓國人打理 所以啲嘢特別有韓味😍.韓國便當盒(配烤肉)🍱 $65今次帶咗個全店最貴嘅餐黎食🤣佢可以配烤肉或者豬肉😛因為我唔太鍾意食豬所以就揀咗烤牛肉🥩呢度嘅牛肉唔係用肥牛係真係用牛肉片👍🏻不過口感就比較鞋同埋乾🙈但係份量真係超級多 好似唔洗錢咁🤩媽咪見到都話驚佢蝕錢😣食韓國野最鍾意係食佢啲伴菜💓呢度嘅泡菜真係好好食 同韓國食到嘅係一樣味‼️除咗一般食到嘅菠菜,泡菜,雞蛋卷之外 呢度仲有醬油花生🥜甜甜地 口感唔係好脆少少腍 送飯食一流 有驚喜🥳不過雞蛋卷就麻麻地 蛋炒到好老同埋冇乜蛋香🥚但係整體黎講 性價比超高 味道唔錯份量又大🥰連啲白飯都好煙韌 又夠米香🍚呢間絕對可以成為日常飯堂💯經過可以幫襯吓😋

呢間韓國外賣小店係韓國人開，位置好隱蔽，平時唔多會注意到，喺快剪店隔離。主要都係賣韓國人最鐘意既泡菜，冷盤小菜，我自己唔太鍾意佢個泡菜，冇乜酸甜味，得少少辣，白菜又唔夠脆口。堤魚就不錯，好香，調味又好，送飯一流。平時多數去買紫菜包飯，有兩款，一款普通，一款有用蛋煎過外面，我自己就喜歡普通，清清地，食到d材料即味，下午茶食哂成個都幾正！如果正餐我會推薦韓式拌飯，有6,7款配料，份量又多，食落好豐富，加埋佢啲韓式辣醬，張所有野撈埋一齊食，係一個好滿足嘅午餐或晚餐！

已經唔知食過幾多次🤤因為真係好平😚大大碗真係好抵食‼️同埋老闆娘真係好好人😭明明12點先開 我早左去 佢地都肯特登煮比我😍-青口海帶湯跟飯 $45睇個兜都知 真係好大碗🙈佢唔係勁多湯搞到佢咁滿 海帶嘅份量極多🤩真係可以話食海帶都飽😋佢個湯個味調得好好 唔會好鹹 飲到好清新嘅味🥰不過青口就得5 6粒🤭係有少少失望😟雖然係咁但係成個餐一定夠飽🤤佢個飯睇落好細兜 但係佢地將啲飯壓到實一實🤣食晒都真係會好飽好飽🤫

第三次幫襯 今次就有啲失望☹️.香煎紫菜包飯🍙 $33佢同紫菜包飯嘅餡一樣 有酸蘿蔔、紅蘿蔔、青瓜、蛋同火腿😛不過佢就多咗層蛋包住🥚都幾厚下🤣雖然佢話去香煎 但係似炸多啲🙈真係 好 油🤢同埋佢啲蛋好老 口感都幾鞋☹️平$3嗌紫菜包飯仲好🧐.豆芽🥢 $30佢之前係會送泡菜 但係而家冇送😫所以就額外買多盒芽菜😋呢度仲有好多款配菜🤩仲有泡菜、青瓜、蓮藕、魷魚...🦑不過就相對冇主食咁抵食🤔細細盒都要$30🤫.如果想平平地食下韓國野過下口癮都唔錯 不過飯同鍋物會比較高性價比❣️

食完一次之後 就愛上左呢間鋪頭仔😍真係好正宗嘅味道 仲有食住家飯嘅感覺😚-紫菜包飯🍙 $30紫菜包飯嘅材料比較普通 係好basic嗰隻🙈入面有青瓜、紅蘿蔔、酸瓜、火腿同蛋✨簡簡單單咁都好好味😚最鍾意係呢度用珍珠米😋咁嘅價錢都幾抵😍-泡菜鍋跟飯🌶 $45泡菜鍋入面嘅泡菜同佢送嗰盒仔泡菜味唔同🙈泡菜鍋係酸酸辣辣😛佢送嗰盒就係純辣味🤤我鐘意後者多啲✨因為呢間野冇乜人食 同埋佢一定要外賣🥡所以係你order佢就即刻煮😍一定新鮮‼️鍋入面唔只得泡菜 仲有好多豆腐同埋五花腩💓 40幾蚊 個飯都幾多🤩一定夠晒飽😚

呢間店開喺街市入面 鋪面好細 啲嘢食都係外賣拎走🙈佢係由韓國夫婦打理🤩所以真係正宗韓國菜💓-拌飯🍚 $45所有嘅嘢食都係即叫即整😋所以係暖笠笠🥰啲配料勁大兜 仲多過啲飯🤤好豐富夠晒Colourful😚每一啖都會食到菜😍全部蔬菜都好清甜 一啲都唔老好新鮮✨最鐘意就係佢個泡菜💓平時有啲泡菜會好鹹好重味～不過呢到好好食‼️辣度啱啱好🤣係韓國食到嘅味道🥳不過佢就咁單買都錢貴 $39得細細盒 就有啲唔抵喇😣個飯口感都好煙韌有咬口 佢地用左珍珠米 正👍🏻最衰就係隻蛋煎得太熟 如果唔係就滿分💯

不論是冬天還是夏天都會想食的韓國飯鋪頭係由2個韓國人打理，男士主理厨房，女士包辦收銀同打包工作。由於鋪頭地方所限，只會提供外賣食物，湯飯類即叫即做，保證新鮮。除湯飯外，另外還有即食醃漬食物，包括蔬菜類：泡菜、青瓜、蘿白乾、蓮藕、蜜黑豆、花生、豆芽海產類：八爪魚、鯷魚、魷魚預先包裝食物有韓國粉絲、紫菜包飯基本上以上食物都試過曬，最愛辣泡菜豬肉飯同泡菜湯飯，差不多每個星期至少食一次如果路過美孚可以一試