北海道活壽司 (已結業)

最近天氣實在太熱，成日都好想食凍野，第一時間諗起壽司🤤今日同男朋友係旺角揾壽司食，上OpenRice揾到『北海道活壽司』見到價錢唔貴，又未食過，所以去試下～「槍魷魚壽司」質地柔軟，入口跟飯融為一體。「甜蝦壽司」質素一般。「粒貝壽司」（左）好爽口，好鮮美！「劍魚腩壽司」（右）可能咁岩個部位唔靚，兩舊都有筋。「白鮪魚腩壽司」（左）超肥美！大推！「油甘魚壽司」（右）又係部位唔靚，味道一般。「火炙左口魚鰭壽司」微微焦香，入口即溶！「蟹籽軍艦」、「八爪魚芥辣軍艦」超爆多料，見到都開心😍仲有個小食「炸脆蝦」好香脆！呢餐飯都幾抵食，不過想食記得早少少黎呀，因為都幾多人排～