沖繩二段料理 (蕪湖居)

营业中

休息中

由讀大學已經開始食呢間餐廳，見證住餐牌嘅變化，今次經過紅磡見到就二話不說就入咗去，睇下有咩新嘢食，餐廳係星期日都有定食同下午茶揀，由於太肚餓，所以揀左個定食套餐同加左個小食拼盤。餐廳主打燴飯加主食，有炸雞，豚肉 etc.我哋就分別揀咗柚子炸雞配櫻花蝦蒸飯同黃芥末炸雞配蕃茄芝士飯。櫻花蝦蒸飯好香，而且分量十足，如果係細胃組織人士其實可以一個飯兩個人食。 以蕃茄芝士飯最吸引人就係好多芝士，岩哂我呢啲中意食芝士嘅人🤣🤣🤣🤣而小食拼盤就有餃子，炸雞，蝦片同炸蔬菜絲。不過呢個就差咗少少，唔夠熱，食落係暖暖地。定食係有配埋嘢飲，所以我哋叫咗兩杯海鹽奶茶。呢個就一般般，飲落係少少咸嘅奶茶😓😓最後梗係少不了定食配埋嘅甜品，我哋分別揀咗海鹽雪糕配冬甩同阿華田味冬甩。海鹽雪糕配呢個冬甩味道幾夾，而阿華田冬甩一開始以為係配阿華田味雪糕，原來係個冬甩係阿華田味，配雲尼拿味雪糕，都幾特別嘅配搭。