影片
更多
2019-09-05
81 浏览
今日去完龍琛路體育館做完運動之後打算搵間餐廳食晚飯⛹🏻♂️見到附近依間丸和食堂，食日本野價錢又合理就入左去試試間鋪既衛生程度幾好，燈光好舒服。雖然坐位唔算好寬敞，不過可能基於我地黎既時候唔算爆場，所以唔會坐得好迫。我仲見到有樓梯上上層，不過被安排坐下層既就無得睇下上層係點既環境。🤷🏻♂️呢到落單係要自己用手寫低number。我地叫左：205 芝麻八爪魚配紫菜飯團 ($38)343 炙燒芝士玉子壽司 ($22)612 炸芝士竹輪 ($42)706 鹿兒島便當 ($98)000 鹽燒三文魚頭 104 柚子梳打 ($18)107 荔枝椰果梳打 ($18)首先講下芝麻八爪魚配紫菜飯團（4/5）：兩樣野係分開上，比食客自己按份量夾入去，或者分開食都無問題，呢樣幾特別幾細心。紫菜仲脆口，中上水準。芝麻八爪魚係凍凍地，我好驚食呢d小食係放到暖先比食客，呢樣幾值得讚。🍙🐙灸燒芝士玉子壽司（4/5）：雖然玉子係唔高檔既食物，不過我超鍾意食玉子，因為煎過甜甜地嘅蛋好好食。加埋芝士再燒好香好好食，將d蛋既甜味推晒出黎。🍣炸芝士竹輪（3.5/5
見到附近依間丸和食堂，食日本野價錢又合理就入左去試試
間鋪既衛生程度幾好，燈光好舒服。雖然坐位唔算好寬敞，不過可能基於我地黎既時候唔算爆場，所以唔會坐得好迫。
我仲見到有樓梯上上層，不過被安排坐下層既就無得睇下上層係點既環境。🤷🏻♂️
呢到落單係要自己用手寫低number。
我地叫左：
205 芝麻八爪魚配紫菜飯團 ($38)
343 炙燒芝士玉子壽司 ($22)
612 炸芝士竹輪 ($42)
706 鹿兒島便當 ($98)
000 鹽燒三文魚頭
104 柚子梳打 ($18)
107 荔枝椰果梳打 ($18)
首先講下芝麻八爪魚配紫菜飯團（4/5）：
兩樣野係分開上，比食客自己按份量夾入去，或者分開食都無問題，呢樣幾特別幾細心。紫菜仲脆口，中上水準。芝麻八爪魚係凍凍地，我好驚食呢d小食係放到暖先比食客，呢樣幾值得讚。🍙🐙
灸燒芝士玉子壽司（4/5）：
雖然玉子係唔高檔既食物，不過我超鍾意食玉子，因為煎過甜甜地嘅蛋好好食。加埋芝士再燒好香好好食，將d蛋既甜味推晒出黎。🍣
炸芝士竹輪（3.5/5）：
岩岩炸起，熱辣辣。一咬芝士噴晒出黎，正。😋
鹿兒島便當（4/5）：🍱
有兩件好嫩好juicy嘅炸雞。我好驚炸到好乾既炸雞，就算炸到脆但本身唔juicy我唔鍾意。呢間既炸雞兩者兼備。
日式咖哩好開胃，仲有三文魚，帶子，甜蝦刺身同埋螺肉。
另外仲有日式醬汁煮豬軟骨，好軟熟好入味。
燒三文魚頭（3.5/5）：好香三文魚油，雖然佢係三文魚頭，不過都好多肉。鹽燒再迫埋三文魚油出黎，好香好脆。
飲品兩杯既水準都唔錯，不過坦白講梳打好難會整到唔好飲。
最後埋單 $294 好合理☺️
🌟🌟🌟🌟🌟
整體： 4/5
味道：4/5
環境：4/5
服務：4/5
價錢：4/5
张贴
