德運豬扒車仔麵 (已結業)

間唔中都想食下車仔麵，今次去咗佐敦呢間德運豬扒車仔麵。叫咗碗六餸車仔米線。配料我揀咗招牌嘅炸豬扒、牛筋腩、小花菇、豬紅、蘿蔔、金菇。湯底方面就揀咗牛腩汁。豬紅比較細粒，相對地份量都多，食極都有咁。蘿蔔有好幾舊，而且都大大舊，軟硬度啱啱好，夠淋好嚼。花菇同金菇都唔錯。炸豬扒的確對得住招牌之名，食落香口，肉質厚實。牛筋腩就再實淨啲，份量好大，包你食得飽肚。我另外加咗杯凍檸茶，都幾大杯，加三蚊呢個份量算幾抵。