九井壽司 (已結業)

呢日同奶綠男嚟megabox 記得之前dinner嚟食過都唔錯 就嚟食多次午餐 我地行到2點幾就3點先食lunch 原來呢間午餐係有定食 而且仲有下午茶餐價錢都幾抵食 我地就叫咗個三文魚海膽丼定食 有碗仔麵豉湯同沙律 三文魚唔係薄切切 都算正常厚度再厚身啲啲 食落有口感入口有啖啖脂香 海膽唔算好甘香 但無臭同唔係完全無味個種 質素同份量正正常常 只係88蚊既三文魚海膽丼定食嚟講絕對合格收貨 另外我就叫咗份火炙刺身丼定食火炙 三文魚 吞拿魚 左口魚 帶子 經微微炙燒幾款食落都幾香口 尤其係左口魚同帶子幾好味喎 之外仲有啲三文魚子 甜蛋同蟹柳棒 70蚊就食到碗咁豐富既丼飯都幾唔錯 之後再嚟megabox既話有機會翻兜