101台式休閒餐廳 (尚德商場) (已結業)

同朋友去尚德商場主要係去間大型運動舖睇衫，走之前係商場行咗個圈，見到間101台式休閒餐廳，於是就入去食個下午茶餐。下午茶餐選擇都算多，而且價錢都好親民。我哋叫咗個凱撒沙律+牛乳炒蛋+牛油厚包+蕃茄栗米通粉+熱檸水（共$35），及一個火腿米粉+牛油厚多+牛乳炒蛋+一杯夏日麼麼茶（共$37）。俾錢後，大約等咗五分鐘就送咗兩個餐嚟啦，估唔到茶餐嘅份量都唔細份，蕃茄湯底有蕃茄，而唔係只得湯，味道仲唔錯，好開胃！沙律都唔錯，蛋都炒得唔會好油，朋友飲嘅夏日麼麼茶，其實係七喜、一塊檸檬、幾塊橙肉連皮及菠蘿，夏天飲都幾正。總括：抵食，而且職員態度亦唔錯。