THE PONT (已結業)

朗豪坊有間好靚嘅新餐廳，環境一流，食嘅嘢同cafe有啲似，以為會好貴，點知價錢親民，分分鐘仲平過出面啲cafe，而且可以帶寵物☺️絕對係平時行街約食飯嘅好去處。佢lunch set有幾個選擇，包嘢飲，而且加$9就可以加湯、沙律或者雪糕，好大彈性。走嘅時候先發現另一邊係salon，等朋友整頭髮嘅時候最啱過嚟食嘢。當日餐湯係我鍾意嘅南瓜湯☺️雪糕仲有榴槤味揀，正。煙肉西蘭花水管粉想健康啲可以叫呢個意粉，有大量西蘭花，白汁配上水管粉好夾，食落啖啖汁好juicy，食完都唔會太滯。芝士火腿開面三文治如果唔想食咁飽，可以揀三文治，佢上面係ham，下面係面包，好香脆好夾，仲有人見人愛嘅薯條。西班牙風乾火腿配烤菠蘿呢個燒菠蘿好甜，加上大量ham，非常夾，菠蘿可以消滯，又甜又鹹嘅配搭非常好。